متن نوحه ترکی + مجموعه اشعار در مورد امام حسین و کربلا به ترکی و با ترجمه فارسی
در این مطلب تعدادی نوحه و متن مداحی ترکی با ترجمه فارسی را قرار داده ایم که مخصوص ماه محرم، شهادت امام حسین و حضرت ابوالفضل در کربلا هستند.
متن نوحه ی عزاداری ترکی نوحه محرم
زینب عقیله، بنت شهنشاه قل کفی
ماه حجاز و شیرزن دشت کربلا
ترک ایتدی پاس خیمه نی طغیان عشقده
گلدی دایاندی محضر سلطان عشقده
توپراقلار اوسته گوردی شه کربلا یاتوب
قان بسترینده سینه ده سانسیز یارا یاتوب
عالم باتوبدی ظلمته نصف النهارده
عزلتگه غروبده شمس الضحا یاتوب
سوز جگرله توپراقی تل رماد ایدوب
خاکستر ایچره آیینه حق نما یاتوب
گودالی آشیانه وحدت بولوب، اودور
تیر جفائیله پر آچان بیر هما یاتوب
سینایه رشک، مصرعی غرق سنا اولوب
چون اوندا عکس جلوه حسن خدا یاتوب
وار ایله لطفی پیکرینین، هر گورن دییر
مین گلستان طراوت و ذوق و صفا یاتوب
مهد زمین عجبدی تاپوب حالت سکون
اوندا یارالی حجت رب السما یاتوب
خورشدور ز بسکه حالنه بولمز نظاره گر
مدهوش جلوه رخ جاناندی یا یاتوب
جای عجبدی گر چه یاتوب بیر وجوددن
باشدا بدنده هر بیری اما سوا یاتوب
بالین ایدوب جدا باشنی باشی، پیکری
قان بسترینده سینه ده سانسیز یارا یاتوب
یاتماز لواسی قائم اولان شاه جنگده
شه کیم یاتوب بو نوعله، قطعاً لوا یاتوب
بیداد خصمدندی ایدوب عزلت اختیار
صدر رقیم قربده کهف الورا یاتوب
رنجور اولوب معارک هیجاده قلبدن
اما تاپوبدی خاتمه چون ماجرا، یاتوب
فلک نجاتی موج حوادث، ایدوب شکست
گرداب خون ایچنده اودور ناخدا یاتوب
حیراندی کاروان نظامات کاینات
آری منام مرگده چون رهنما یاتوب
رنگ شفق جهانه سپر، قانلی جلوه سی
گر چه فراش خسفده بدرالدجا یاتوب
وارونه نقش اولوب یره توحید هیکلی
مکبوب حالیله شه گلگون قبا یاتوب
موقوفدی قیام شرایع، قیامنه
تعطیل اولوب مدارس آیات، تا یاتوب
شاعر : مرحوم استاد محمد عابد
***
مطلب پیشنهادی: متن شعر نوحه ماه محرم؛ متن نوحه برای عزاداری ایام محرم و شام غریبان حسینی
متن شعر و نوحه ی ترکی سوزناک ماه محرم
دفع اولور شیعه حسینون ماتمینده هر بلا
آغلا هرگون روز عاشورادی هر یر کربلا
بو حسینون آدینون هرقلبیده تأثیری وار
صاف ایدر هر قلبی چون خاصیّت اِکسیری وا
ذکر اولاندا غصّه دن هر حالتون تغییری وار
آشکارا دور اولوب بو اسمده مضمر بلا
بارالها آددا بو نوعلیه درد آمیز اولور
بیله درد آمیز وشور انگیز مِحنت خیز اولور
ذکر اولاندا اشکیله گوز کاسه سی لبریز اولور
مجلسی چولقار بو غمناک اسمدن یکسر بلا
قید عشقِ حقّیده هرکیمسه پا بست اولمیوب
دام باطلده مقیّد دور او وارست اولمیوب
یا حسین هیچ کس جهاندا سن کیمی مست اولمیوب
می بلا مجلس بلا ساقی بلا ساغر بلا
خون دلدن ایت حسین آدین گویول لوحنده حکّ
قلب صافه ویرمگه تشخیص یوخ بیله محک
بو آدا شکّ ایلیین بی شکّ وار ذاتینده شکّ
ایستسه هرکیم بو آدین صاحبین ایستر بلا
حضرت ایّوب اگر چه اولدی درده مبتلا
یوسفون هجرینده یعقوب ایلدی شور و نوا
شیعه لر شام ایچره امّا برملا دور بر ملا
هیچ پیمبر چکمیوب چون آل پیغمبر بلا
ایتدی شام عورتلری از بس شماتت زینبه
یوز ویروب ویرانه ده یوز درد و مِحنت زینبه
صبر قیلدی گلمدی هرگز بو حالت زینبه
بیر دیسون یارب چکوم تاکی منِ مُضطر بلا
بیر طرفده گوردی بیماره ویروبلار سلسله
باش قویوبدور حلقۀ زنجیره اول سر سلسله
کیمسه یوخ بیر اول مریضین گَردِ رُخسارین سیله
هر طرف دن یوز ویروب بیماریچون بیمر بلا
ایتمیوب یالقیز بلای کربلا غمناک اونی
جسم صد چاک حسین قلموبدی بیردل چاک اونی
قویمیوب بیرهجراکبر دیده سی نمناک اونی
شش جهتدن اوستونه اولموش هجوم آور بلا
بیر گجه یاتدی سکینه گوردی بیر آشفته خواب
اولدی چون بیدار او طفل بینوا با اضطراب
عرض ایدوب نولدی بابام ای عمّۀ علیا جناب
ایمدی گلمیشدی منه مهمان او شاه کربلا
باباسین گوردی او طفل ایلر مخاطب نیلسون
ایتمسون زینب اونا گرکشف مطلب نیلسون
ویرمسون آیا حسین باشین او زینب نیلسون
یارب عالمده اولور بوندان داخی بد تر بلا
چون حسین باشی او طفله زینت آغوش اولوب
اول کسوک باشه باخوب غش ایلیوب بیهوش اولوب
شبچراغ بزم مِحنت گوردوله خاموش اولوب
اهل بیته یوز ویروب اول غمده سرتا سر بلا
حلقۀ زنجیری خلقتدن آچوب آل رسول
حلقۀ ماتم ویروب دوروندا محزون و ملول
عرض ایدوللر غیرتون آیا بونی ایلر قبول
یا علی چکسون بیله بو طفل بی یاور بلا
عاشق و معشوق ما بینینده حایل جسم اولور
بذل جان جانان یولوندا «راجیا» بو قِسم اولور
اسم و رسمی ترک ایدن عالمده صاحب اسم اولور
کچ منیّتدن که اوندان ظاهر اولموش هر بلا
شاعر : راجی تبریزی
***
متن سینه زنی ترکی ورود به ماه محرم
اولدی نمایان مهِ درد و بلا
دوشدی گینه یاده شه کربلا
ماه محرمدی دور ای بی خبر
شوریله وو باشیوه شام و سحر
شوره گلوب ارض و سما بحر و بر
گئتدی داخی موسم ذوق و صفا
عالم آرا بو فلکِ کج مدار
ایلدی ظلمین تَزَه دن آشکار
اویما گوزوم غَفلَتَه شام و نهار
آغلاگلان سن داخی شام و مسا
آغلا گوزوم آغلا بو مُحنَتدَه سن
اشک روان ائت بو مصیبتده سن
آغلاماسن بلکه قیامتده سن
وعده ائدوبدور بیزه اُول مصطفی
چون شهِ دین بار سفر باغلادی
عالمی بو غم اودونا داغلادی
زینبون احوالینه چرخ آغلادی
لوح و قلم سویلدی واحسرتا
ماریه ده دوشدی چو شاه مبین
شمر و سنان خولی و سعد لعین
ظلمیله کسدیله فراتین یولین
تشنه قالوب زمرۀ آل عبا
حضرت عباس او غم پَروَرون
سالدیلا قوللارینی اُول سَروَرون
ظلمیله بوکدیله قدین حیدرون
ائتمَدیلر شیر خدادن حیا
قاسم دامادون او قوم عذاب
حجله سینی ائتدیله بو آی خراب
اللرینه یاخدیلا قاندان خضاب
یاندی بو غمده حَسَنِ مجتبا
اوخلادیلار حلقون علی اصغرون
کسدیله باشینی علی اکبرون
بوکدوله قدّین شه بی لشگرون
ایلدیلر اول شهی بی اقربا
یتدی چو میدانه شه بی کفن
بیر بیرینه دگدی زمین و زمن
سالدیلا آتدان او شهی ظلمیلن
قویدی ایاق صَدرینه شمر دغا
کرب و بلا شاهینی ئولدوردولر
خیمه سینه ظلمیله اود ووردولار
بو غمه عالم لری یاندیردیلار
اولدی ستم قسمت آل عبا
گور نجه زار ایلدیلر زینبی
ظلمیله خوار ایلدیلر زینبی
ناقه سوار ایلدیلر زینبی
گور نه گونه زینب اولوب مبتلا
((دلسوز)) بیچاره بو گون شوریله
باشه ووروب سینه زنان اولگیله
آل عبا دامنینی دوتگیله
کیمسه نه دن دردیوه اولماز دوا
شاعر : دلسوز
***
نوحه ترکی حضرت ابوالفضل (ع)
وزیر شاه کربلا سن
غلام درگه ولاسن.
ولی هامی جهانیانه
شها امیر مقتداسن
حسینه سر سپاه اعظم
بلالی کربلاده همدم
چکن علی کیمین قلنجین
ووران صفوف کینه هر دم
جهاندا سرسپاه و سردار
حسیننه قالان وفادار
حرملرین امیدگاهی
بلالی چولده شیر پیکار
سلیل شیرِ شیر داور
هژبرِ حیدرِ دلاور
وراندا کربلاده شمشیر
دیوردی آفرین ملک لر
سنی خدا ایدوب که ساقی
مِیونده واردی لطف باقی
جهانیانی مست ایدوبسن
نه بیرجه ساکن عراقی
رقیه، زینب و سکینه
گلنده سرزمین کینه
دیردی حافظ اول خدایا
بو عباسه اوزون همیشه
اورکلرین صفاسی سنسن
صفاسی سن، ضیاسی سنسن
عنایت ایت بو گون نگینه
امیدیله رجاسی سنسن
شاعر: مختار وطن پرست (نگین)
اشعار و متن مداحی ترکی شب های محرم
گینه یتوب مه محرم سراسر عالمی دوتوب غم
چکوبله قاره نه سمایه گلوب نوایه اهل عالم
اولوبدی گوئیا قیامت ایدوبدی ورد دل جماعت
حسین یارالاریوا قربان اسیر بالالاریوا قربان
غبار غم دوتوب فلکلر باتوبدی ماتمه ملکلر
آچوبدی باشینی بوآیدا بهشتیده بتول اطهر
گلوب فغانه شیرداور مدام سسلنور پیمبر
حسین یارالاریوا قربان اسیر بالالاریوا قربان
نه تک او دردمند عاشق بو درگهه بوتون خلایق
گلر دیر اورکده دردین شفا ویرر طبیب حاذق
تمام دردمند اولانلار دیر او چاره سیز قالانلار
حسین یارالاریوا قربان اسیر بالالاریوا قربان
بوآیدا دخت شیر یزدان اولوب اسیر قوم عدوان
گیدوبدی مجلس شرابه باش اگمیوب چوشیر غران
شراب مجلسینده هرآن دیردی زینب پریشان
حسین یارالاریوا قربان اسیر بالالاریوا قربان
باتوب بوآیداقانه اکبر شبیه حضرت پیمبر
گیدوب جدایه قانلی باشی گلوب نوایه غملی مادر
ایدردی اکبرین بهانه خانیم دیردی یانه یانه
حسین یارالاریوا قربان اسیر بالالاریوا قربان
بو آیدا دشت کربلاده کسیلدی نچه باش مناده
سریه سسلنوب اوغول وای باتاندا قانه شاهزاده
عزای قاسمه گلنلر ایدر نوا دیر علملر
حسین یارالاریوا قربان اسیر بالالاریوا قربان
بوآی شهید راه قران بالاسین ایتدی دینه قربان
بو عشق پاک و صبر و ایثار قویوبدی انبیانی حیران
مسیح وخضر ونوح وموسی دیردی ای عزیز زهرا
حسین یارالاریواقربان اسیر بالالاریوا قربان
سویوللارین گروه اعدا بو آیدا باغلیوبدور، اما
یاریبدی صفلری او چولده آلوب فراتی شیر هیجا
ولی سویوندان ایچمیوبدور باخوب سویا یانوب دیوبدور
حسین یارالاریوا قربان اسیر بالالاریوا قربان
بوآی بیراوت دوشوب جهانه جهان قالوبدی یانه یانه
بو آی امام کون و امکان گلوبدی ظلمیدن فغانه
حسینه ای قرا گینلر دیر بو ماتمه گلنلر
حسین یارالاریوا قربان اسیر بالالاریوا قربان
((زکی)) بو غمده سینه داغلا گوزون یاشون عذاره باغلا
فقط نه تک مه محرم حسینه هر زماندا آغلا
((عتیق)) اُل بو غمده گریان گیدونجه قبره سویله هرآن
حسین یارالاریوا قربان اسیر بالالاریوا قربان
شاعر : استاد طهمورثی (عتیق)
***
قانمی توکماخلقا بیر عده اوباش حسین
بیر بیره سبقت ایدوللر دورما گل قارداش حسین
ای وجودی جمله تکوینات عالمده دخیل
وی لب جان بخشی، آب خضر و نهر سلسبیل
شاه سنسن، درگهونده خادمندور جبرئیل
بو غریق لجه خون، محضرونده تاش حسین
ابروانون طاق محرابیمدی، رویوندور بهشت
روضه رضوان منه سنسیز جحیم و نار زشت
مرشد و پیر طریقم سن، نه مسجد نه کنشت
هاردا سن اولسان او یردور خانقه قارداش حسین
تا فراته وارد اولدوم،ای شه والا جناب
نکهت جانبخش آب، ائتدی اورکدن سلب تاب
تا هوس ایتدوم جمالون جلوه سین، گوستردی آب
اولدی دیدارون بو عطشان اولماقا پاداش حسین
آبروییم آبدیدی‌ای هامی بیکس کسی
تار و پود مشگه بستیدی حیاتیم رشته سی
گر چه جان آلدی قدر ترسیم ایدن پیکان سسی
اوخ آتان دست قضادور، نیله سین نقاش حسین
گر چه آب و تاب ایدور آخدوقجا بو آب فرات
آز قالور عمروم قوتارسون، درک ایدم فیض ممات
سو ایچم هیهات، قالسون تشنه لب عین حیات
قویمارام باخسون فراته دیده خونپاش حسین
من نه خضرم، سبر آفاق ایلیوب آب آختارام
آبده یوخ آبرو تا آب نایاب آختارام
تشنه لب گلدیم بو یرده لعل سیراب آختارام
اود دوتوب گوردوم یانور باشدان باشا داغ داش حسین
لوح خاطرده خیال ایتمه که نقش سو چکم
یا نسیم سو، دم صبحیله گلسه بو چکم
ذکر و اورادیم آدوندور ایسته سم یاهو چکم
قطب سن، من مرید رندم و قلاش حسین
هر یارا دگدوقجا یول آچدی حضور یاریمه
روزن امید آچلدی خلوت دلداریمه
پیک پیکان رونق آرتوردی عجب بازاریمه
جسممه دگسون یارا ایکاش باشدان باش حسین
بوی صهبای ازل ایتموش منی مخمور و مست
جلوه گر اولموش گوزومده عهد و پیمان الست
اولمادیم پیمان شکن، پیمانه گر تاپدی شکست
اگلنیدی دیده مه مشگه دگن اوخ کاش حسین
دورما تز گل، بو مریدین اوز مرادین آختارور
عبد صالح آدلی بنده میر رادین آختارور
مکتبون شاگردی گورسون اوستادین آختارور
خاکسار کویووه لطف ایله گل چک باش حسین
طاقتین از بسکه طاق ایتموشدی روی زردلر
رشته یاراسین الدن آلدی سانسیز دردلر
چوخ جسارتله تاپوب ال، مردیوه نامردلر
نقد جانین باشوا تز گل ایده شاباش حسین
اولدی هم فکرون (پدیده) فکری نیکو سیر
توکدی موج بحر طبعون ساحله در و گهر
وار نه تاثیری اولا دنیا بوئی پرخاشگر
گر سنه اطلاق ایده عباس و زهرا تاش حسین
شاعر: رحیم شایان
متن نوحه ی سینه زنی ترکی ماه محرم و امام حسین
قان آغلیون ای شیعه که ایام عزادی
زهرا باش آچوب صاحب عزا شیر خدادی
نه طاق فلک یاسه باتوب آغلوری عالم
سکان سما چیده ایدوب مجلس ماتم
بو غمده گلوب نالیه پیغمبرخاتم
ارواح رسل روح الامین نوحه سرادی
ای شیعه ایدون مدنظرکرببلانی
بیریاده سالون محنت شاه شهدانی
قانه بلشوب یتمش ایکی پیر و جوانی
باشسیز توکولوبلردیه سن کوه منادی
ای شیعه قیامتلر اولوب اکبرالنده
صدپاره گلوب قانلی کفن قانلی بدنده
ساچلار یولونوب خیملره نعشی گلنده
لیلانین ایشی حشره کیمی واولدادی
اول دم که علمدارین عدو قانینی توکدی
بو درد وغم ای شیعه حسین قدینی بوکدی
دلدن کسیلوب تاب و توانی یره چوکدی
بیل سندران عالمده غم مرگ اخادی
ای شیعه ووروب حرمله اود کون و مکانه
افلاکه سالوب رعشه بیر اوخ قویدی کمانه
اصغربوغازین ایلدی بیرتیره نشانه
گوربیرنقدر حرمله بی شرم و حیادی
سلطان مدینه او بیابانی گزردی
قانین یاخوب اعضاسینه اول طفلی بزردی
اوجوندا گهی اخذ ایدوب افلاکه سپردی
بلسونله او قان تحفه درگاه خدادی
شاه الدی قشون سیندی ستم عرشه دایاندی
اودووردولا اولاد علی خیمه سی یاندی
عصمتلی حرملر سویولوب یاندی تالاندی
رحم ایتمدی بیر کیمسه بولار آلعبادی
شاعر : مرحوم شهاب تبریزی
***
آخرین دیداری چوخ گوزلر بو قولسوز باش حسین
گل جمالون گورمسم جان ویرمرم قارداش حسین
رشده یتدیم آستانونده چوخ اولدی زحمتیم
سایه‌ی لطفونده مشهور اولدی نام و شهرتیم
قابل بذل توجّه اولسا بو گون خدمتیم
تاج عزّت قویدوقون بیر باشه گل چک باش حسین
پرورش ویردون منه تعلیم اخلاق ایلدون
نقص خدمت گوردون، امّا عفو و ارفاق ایلدون
کربلا حقّینده مندن اخذ میثاق ایلدون
شکر للَّه باشیم اولدی باشیوه شاباش حسین
حقّ تعلیمون بیوکدور من ثنادن عاجزم
شاکرم دلدن، ولی ذکر ادادن عاجزم
باش سینوب قولّار دوشوبدور دست و پادن عاجزم
سن اوزون لطفیله گل بالینیمه قارداش حسین
مدّت عمرونده بی مهر اولمادون بیر آن منه
هر نفسده ایلدون مین نوعیله احسان منه‌ای کلام الله ناطق گل اوخی قرآن منه
خجلت دیرینیمه نطقون اولا پاداش حسین
حسن طالعدن قازاندیم، چون شهادت قرعه سین
شوقیله جنگ ایلدیم آلدیم فراتین شرعه سین
لبلرون یادیله، امّا ایچمدیم بیر جرعه سین
سیریده همرنگ اولور، چون یاریله یولداش حسین
وارد اولجاق نهره طرد ایتدیم گروه ناکسی
دولماسون مشکه کنار ایتدیم سودان خار و خسی
بیر اوزون طومار غم آچدی سویون دلکش سسی
وای اگر بیر گون او احساساتیم اولسا فاش حسین
مشکی حفظ ایتماق امیدی ویردی قوّت هوشیمه
دولدوروب محکم ایدوب آهسته سالدیم دوشیمه
گه اُپردیم گه چکردیم جان کیمی آغوشیمه
قهر اولا اوخ نقشینی ترسیم ایدن نقّاش حسین
هر ایکی قولّاریمی بو مشکه ایتمیشدیم سپر
اوه گوزیمدن قولّاریمدان ایلدیم صرف نظر
مشکی دلدی، سو توکولدی، سعییم اولدی بی ثمر
سو یرینه مشکیمه قان دولدی باشا باش حسین
گرچه یارم چوخدی، سانما من او چوخدان آغلارام
اوخ دلن مشکیمده سو یوخدور او یوخدان آغلارام
جان یاخان قان قان دین پرّآن بیر اوخدان آغلارام
سانجلِیدی قلبیمه بو اوخ منیم ایکاش حسین
سن اوزون یاخشی بولورسن‌ای شه گردون حشم
اولماسا قول پرچم آچماز اهتزاز ایتمز علم
سرنگون اولدی علم، چون قولّاریم اولدی قلم
بیرقیم گوزگوز اولوب گوزدن توکر قانیاش حسین
قولّاریم دوشدی بدندن شهپر عنقا کیمی
هر بیری بیر چشمه سار اولدی جوشان دریا کیمی
بسکه قان آخدی بو چولده مشهر مینا کیمی
گون قباقینده یانان داشلاردا اولدی یاش حسین
گل گلنده دقّتیله باخ سران لشکره
باشیم اطرافینده واردور گور نه خوش بیر منظره
یوز قویوب اون یتدی خنجر بیر یارالی حنجره
منکه باشدان گیچمیشم لازم دگل پرخاش حسین
گل یول آختارسان یول اوستونده دوشن قول گوسترور
مشعل آهیم عزیز مهمانینه یول گوسترور
عاقبت حسّ اخوّت یول امین اول گوسترور
همره اهل کرمدور دست گوهرپاش حسین
ناتوانم صون نفسده ظلّ رافت ایسترم
ذرّه بی قدرم، امّا قرب عزّت ایسترم
لطف صحبت گرمی بزم محبّت ایسترم
فیض آلور خورشید عالم تابیدن خشخاش حسین
منکه قوملار اوسته یالقوز دوشموشم چوخ بیکسم
بیمناک اولمام ولو امّیدیمی جاندان کسم
تک سنون انجام کاروندن اخا دل واپسم
قورخورام محشر قوپا، نابود اولا داغ داش حسین
من شباهنگم اگر ظاهرده گل تک سولموشام
باطناً حبّ حسینیله لبالب دولموشام
افتخاریم وار سعادت یار اولوبدور اولموشام
پاسگاه عشقیده سرباز حاضرباش حسین
شاعر: مرحوم هندی
اشعار ترکی برای سینه زنی ماه محرم
یارب گینه غم قلبلـرین طاقتین آلدی
اندوه وملالیلــه شــَرر عــالمه سالدی
دریای مصیــبتده گلــور موجه بلالــر
احبـابیدن عرشه اوجالوب آه ونوالــر
قاره چکلـوب هـریره ، هـریرده عزادی
گوزیاشی توکوراهل ولا نوحه سرادی
عشاق آراسینداقورولوب حلقه ی ماتم
گــویا یتشــوب یــوم بـَـلا ماه محـــرم
بوآیـدا سولـوب ظلمیـله گلــزار پیمــبر
بوآیـدا گلــوب نالیــه جنــاتیده حیــدر
بوآیــدا معـــزادی رســولان مطهــــر
بوآیـدا یـانـار نـار مصیبــتده ملکلــر
بوآیـدا یتوب عالمــه بیــرمحنت دیگــر
بوآیـدا گلــوب فاطمه افغانه ســراســر
بوآیـدا یـولار زلفنــی حورالــره ســرور
بوآیـدا نــوایه گلجـــاق مـادر مضـــطر
بوآیـدا دئیـــر وای بالا صدیقـــه کبـری
رخساره اللــرگوزیاشینی حضرت زهرا
بوآیـدا خــزان اولـدی گلــستان ولایت
یاندی سوسوزوندان گل بی خارامامت
بوآیـدا حسین قویدی قدم کرب وبلایه
سـٔـکان فلـــک واریـری گلسیــدی نوایه
اجــلال نـٔـزول ایلـــدی عالمــلره رهــبر
چاتدی شرفه کرب وبلا تپــراقی یکسر
فرمایش ائدوب قارداشیـنا مهرفروزان
ای ماه سپهـــرعلــوی بـــدر درخشــان
غم قافله سین ساخلابوصحرای بلاده
برپاائلــه خرگاهیمی قارداش بو بِلاده
قلبیم بوبیـابانـدا گلــوب سیــنده زاره
وارعلتـی افــلاکه چخور دلده شــراره
توش ایلـدی بویر منی اندوهیله درده
ویرقیزلاریمون خیملرین بیراوجایرده
شاعر : کربلایی موسی جوانی تبریزی
متن نوحه ترکی حضرت ابوالفضل (ع)
امام ناله سی تا یتدی جان قولاقینه
گوز آچدی اوندا که یتمشدی جان دوداقنه
مسیح عصر او دم مرده جسمه جان ویردی
همان او قالب بی روحه بیر روان ویردی
باخاندا گوردی دوتوب کربلانی شور حسین
احاطه ایلیوب اول سرزمینی نور حسین
ایدر جمال منیرینده جلوه نور الله
گرک اوزون بوله عباس فی حضور الله
غریبه وقتده یتمشدی یار محضرینه
خیال ایدردی که سورته یوزون قدملرینه
همان او حالده مبهوت قالدی موسی تک
توکردی سیل سرشکین یوزونه دریا تک
دانشماقا اؤزی چون شه اجازه ویرمشدی
او کهنه قالبه بیر روح تازه ویرمشدی
کمال عجزیله عرض ایتدی ای امام نبیل
کلیمه نطق , مسیحه روان, خلیله دلیل
سنی قسم ویرورم جدیوین رسالتنه
آناوین عصمتنه , هم آتان ولایتنه
نقدر منده نفس وار آپارما خیمه لره
بو التماسیمی آل عین لطفله نظره
سو اولمادی بولوسن من نقدر منفعلم
نه تک سکینه هامی اهلبیتدن خجلم
آپار سو مشکیمی قوی نعشیمی قالا یرده
سوسوزلارین یوزونه من باخانمارام بیرده
گورن سو مشکیمی بو پاره پاره صورتده
بولر که منده قصور اولمیوبدی خدمتده
علاوه چوخلاری آگه دگل بو حالیمدن
قشون هنوز منیم چخمیوب خیالیمدن
بیله بولولله همان صولتیله من قالورام
ولیک بولموری قان ایچره ال ایاق چالورام
اورک لرینده منیم ایمدیده هراسیم وار
سبب اودور سنه بیر بیله التماسیم وار
اگر خیامه آپارسان منی بو حالتده
جری اولور سنه دشمن لریم او ساعتده
شاعر:مرحوم صافی تبریزی
مداحی ترکی حضرت ابوالفضل (ع)
نهر علقمه قویدی چون قدم
کربلا وزیری
تاجدار اباالفضل
تشنه لب لره سو آپارماقا
جان و دلدن ائتدی
افتخار اباالفضل
تاپدی خضر عطشان
چشمۀ حیاتی
تشنه لر ائشیتدی
نالۀ فراتی
گوردی نهرده موج ائدر سوئی
خود سرانه اولموش
پهن و دشته جاری
آتدی اول سودان بیر قدر گویه
دوندی باخدی ناگه
خیمه گاهه ساری
یعنی قورخمیون نهری آلمیشام
خیمیه یتورم
مشک آبداری
آلدی اوجونا ایچمدی سودان
ایلدی فراتی
شرمسار اباالفضل
خیردا اصغرون تشنه لب لری
یا سکینه حالی
صبرین الدن آلدی
حال زارینه اول هنرورین
باطناً فراتون
ناله سی اوجالدی
مشکین اندیروب دولدوروب سودان
چیگنینه سو مشکین
همتیله سالدی
دوندروب یوزین چخدی نهریدن
اولدی خیمه گاهه
رهسپار اباالفضل
ازدحامیلن ائتدیلر هجوم
صاحب لوانین
اوسته قوم کافر
تیغ تیزیلن اول جماعت
بی حیایه ائتدی
حملۀ مکرر
الحذر سسی چخدی گویلره
بیر شجاعتیلن
جنگ ایدوب او سرور
قدسیان گلوب نالیه دئدی
آفرین بو شصته
نامدار اباالفضل
دوندروب یولون نخلزاریدن
آتش قتاله
ویردیلر ادامه
ائتدیلر کمین هر ایکی الین
سالدیلار بدندن
یتدیلر مرامه
باخ همیّته باخ فتوّته
سعی ایدوب یتورسون
مشکی تا خیامه
قویمادی علم سرنگون اولا
دوتدی سینه سینده
پایدار اباالفضل
گه رکابدن بیر ایاقینی
ایلیوردی خالی
دشمنی یخاردی
گاهی ساغ طرف گاهی صول طرف
قان ایکی قولوندان
سو کیمی آخاردی
اول وفا شِیَم معدن کرم
حسرتیله مشکه
دمبدم باخاردی
سو یتورمگه خیمیه اولوب
تشنه لردن آرتوق
انتظار اباالفضل
فرصت ال ویروب اوخ آتانلارا
دورت مین اوخ قویولدی
چلۀ کمانه
یاغدیا وتسونه دورت طرفدن اوخ
شهپر آچدی اوخدان
فارس یگانه
مشگنون سویی خونِ دل کیمی
توپراقا توکولدی
رنگی دوندی قانه
خیمه سمتینون ترکین ایلدی
گوردی ئوز حیاتین
ناگوار اباالفضل
یوخ بدنده قول دشمن ال تاپوب
بیر تصور ایله
یوز ویرور نه حالت
بو مصیبتون شرح آخرین
قانه دوندی قلبیم
ائتمرم کتابت
یازدی «یحیوی» بو کلامینی
خاطرینده مکنون
نیت زیارت
آستانۀ پاکه یوز قویا
اولسا لطف اوزیله
یارکار اباالفضل
شاعر: مرحوم یحیوی اردبیلی